1. Félagsgjald.
a. Allir sem taka þátt í starfsemi(1) CISV eru sjálfkrafa skráðir félagsmenn í CISV.
2. Fjölskylduframlag.
a. Æskilegt er að inna af höndum foreldraframlag. Fyrir þrjú framlög frá September til September endurgreiðast 25 þúsund krónur af gjöldunum sem fara til CISV á Íslandi. Framlögin geta falist í aðstoð við minicamp eða við unglinga búðir (í eldhúsi, bakstur, þrif o.s.frv), umsjón með CISV shop, umsjón með fjáröflun eða við annað sem tilfellur í CISV starfinu.
b. Það er ábyrgð foreldra að skrá sig í foreldraframlögin og sjá til þess að mæta í amk eitthvað þrennt. Tölvupóstar verða sendir út með verkefnum og þar gildir reglan fyrstu kemur fyrstur fær.
3. Þátttökugjald.
a. Staðfestingargjald kr. 30.000 greiðist í nóvember og er óafturkræft. Eftirstöðvar þátttökugjalds hefur eindaga í mars. Hafi greiðslur ekki verið inntar af hendi á eindaga áskilur CISV sér rétt til að endurúthluta plássi viðkomandi þátttakanda.
4. Kostnaður fararstjóra(2)
a. Allur kostnaður sem fellur til vegna þátttöku fararstjóra á undirbúningstíma greiðist af hópnum.
5. CISV ber ekki ábyrgð á fötum eða búnaði sem þátttakendur taka með sér á viðburði.
6. Á viðburðum CISV eru teknar ljósmyndir sem félagið áskilur sér rétt til notkunar við kynningarstarf á heimasíðu félagsins.
a. Félagið mun hvorki gefa né selja ljósmyndir til þriðja aðila til birtingar eða notkunar.
7. CISV áskilur sér rétt til að draga staðfestingu á plássi þátttakanda til baka ef í ljós kemur að
a. Réttar upplýsingar hafa ekki verið veittar á umsókn. Þátttökugjald er ekki endurgreitt.
b. Ef í ljós kemur í gegnum undirbúningsferli að barn / fararstjóri telst ekki tilbúið/nn til að taka þátt í starfi félagsins. Þátttökugjald er að fullu endurgreitt.
8. Ef viðburður fellur niður er þátttökugjald að fullu endurgreitt.
(1) 11 ára sumarbúðir (village), unglingaskipti (interchange), unglingabúðir (summer camp), JC, námstefnubúðir (seminar).
(2) Dæmi um kostnað fararstjóra...